A Rede Educativa de Apoio LGBTIQ+ estréase o vindeiro curso con 230 docentes

Buscan erradicar a discriminación por razón de sexo, xénero ou orientación afectiva-sexual

A implantación en Galicia da rede educativa galega LGBTIQ+ e docentes das catro provincias galegas
A implantación en Galicia da rede educativa galega LGBTIQ+ e docentes das catro provincias galegas

Lugo/La Voz

Ofrecer ao alumnado unha persoa de referencia nos seus centros de ensino que o escoite, o acompañe, non o xulgue e lle transmita seguridade foi o motor que puxo en marcha a Rede Educativa de Apoio LGBTIQ+, siglas que abranguen distintas orientacións sexuais e identidades de xénero. Uns 60 docentes sensibilizados coa diversidade afectiva-sexual participaron en outubro do ano pasado na asemblea fundacional desta Rede, convertida agora en asociación co empuxe de 230 socios de toda Galicia e que sitúa á comunidade como pioneira na resposta ás demandas da rapazada neste eido.

O vindeiro curso servirá para estrear esta ferramenta que proverá aos centros educativos de docentes cunha formación específica en igualdade e respecto á diversidade sexual. O alumnado poderá dirixirse a eles para solicitar un asesoramento personalizado, que se realizará dende unha posición de respecto e sen prexuízos e no que se lle transmitirá a liberdade para adoptar as súas propias decisións.

Vontade do profesorado

A diferenza doutras comunidades autónomas como Canarias, que destaca pola resposta institucional a esta demanda educativa no eido afectivo-sexual, a Rede galega é unha fórmula impulsada «por vontade particular do profesorado», algo que a converte nunha rara avis a nivel nacional e a sitúa como referente para outras rexións, interesadas xa neste modelo.

A asociación permite ao profesorado crear «unha rede de asesoramento e apoio mutuo», onde «aproveitar as sinerxias e compartir esforzos e recursos», segundo explican as súas fundadoras, que subliñan a importancia de que o colectivo supoña tamén un «espazo seguro para o profesorado LGBT+».

Nove meses de xestación

A Rede conta na actualidade con 230 docentes de toda Galicia e o desexo das participantes naquela primeira cita do 9 de outubro de 2019 é que continúe o crecemento experimentado ao longo destes nove meses de xestación a chegar así a todo o alumnado que precise da súa intervención. «Todos os centros de Galicia deberían traballar con normalidade a diversidade sexoxenérica nas súas aulas», apuntan.

«A educación en igualdade, a erradicación de estereotipos e discriminacións por razóns de sexo, de identidade de xénero ou de orientación afectiva-sexual é unha tarefa necesaria»

Nese senso, reivindican que «a educación en igualdade, a erradicación de estereotipos e discriminacións por razóns de sexo, de identidade de xénero ou de orientación afectiva-sexual é unha tarefa necesaria atendendo á lexislación actual a tódolos niveis, europeo, estatal e galego».

O obxectivo, segundo recalcan, é sentar as bases «para conseguir un centro coeducativo libre de discriminación, para que todo o alumnado teña o mesmo dereito a unha educación de calidade nun ambiente escolar seguro».

«É importantísimo que exista nos centros unha figura de referencia, formada no tratamento ao alumnado que carga cunha mochila de acoso, insultos e agresións. Este tipo de iniciativas é unha forma de curar esas feridas e a experiencia que acumulamos é moi boa», conclúe Ana Ojea, primeira titora LGBTIQ+ de Galicia e cofundadora da Rede Educativa Galega.

Presenza nas catro provincias

Noemí Díaz Vázquez - IES E. da Guarda (A Coruña): 

«Os centros teñen que ser seguros para os alumnos e tamén para os profesores»

O concepto de «seguridade» resulta fundamental no nacemento desta rede de apoio ao alumnado. Nel fai fincapé Noemí Díaz, que reflexiona: «Os centros educativos teñen que ser espazos seguros tanto para o alumnado como para o profesorado LGBTIQ+, que non vulneren os seus dereitos e equiparen as súas vivencias e sentimentos aos de toda a comunidade educativa».

Mar Corbelle Valiño - IES S. Rosendo (Mondoñedo):

«Sinto a necesidade de romper falsos tópicos, estereotipos e prexuízos»

Profesionais da docencia que participan nesta rede entenden que unha das claves para desarticular o odio contra este colectivo consiste en eliminar os estereotipos cos que este se atopa a diario. Así o remarca Mar Corbelle: «Coma docente sinto a necesidade de romper falsos tópicos, estereotipos e prexuízos cos que se identifica ao colectivo LGBTIQ+ e que incitan ao odio e a fobias infundadas».

Ovidio Villar Marcos - IES C. Casares (Viana do Bolo):

«Queremos ser luces no sistema educativo galego dunha sociedade diversa»

Un dos puntos de conexión do profesorado que participa nesta rede é a necesidade de «educar na pluralidade» e amosar así que a sociedade é diversa. Así o razoa Ovidio Villar: «Queremos ser luces no sistema educativo galego, brillando xuntas con todas as cores imaxinables para poder navegar por unha sociedade diversa e para educar na pluralidade e na idea de que todas somos únicas e irrepetibles».

Ana Ojea Alonso - IES Politécnico de Vigo:

«Os grupos de apoio permiten que o alumnado atope reforzo e respecto»

O alumnado pode exercer como «axente de cambio» grazas a esta rede, segundo explica Ana Ojea: «Os grupos de apoio LGBT+ constitúen un entorno seguro para que o alumnado se exprese libremente, que atope reforzo, respecto e empoderamento nunha etapa tan decisiva como é a adolescencia e sexa axente de cambio no centro educativo para fomentar, entre iguais, unha convivencia positiva e respectuosa».

«Soy una niña transexual y feliz de 10 años, y me llamo Alejandra»

Mila Méndez
alejandra

Cambió su nombre en noviembre a la vez que hizo su «tránsito», hoy es una pequeña-gran activista LGTBI

-¿Eres una niña valiente?

-Sí.

Sonríe con la mirada, para eterna admiración de su madre, Pili. Alejandra, como así figura en su DNI desde noviembre, es, como ella misma se presenta: «Una niña transexual y feliz de diez años». Vive en Arteixo y va para sexto curso. En octubre hizo su tránsito. Esto es, «mostrarme como soy de verdad, sin fingir». En clase, «les amigues», hace hincapié en el e genérico, «ya lo sabían», asiente. Desde Infantil. También «bisabuela Concha, que tiene 90 años», que se puso «súper contenta».

Empezó a vestirse como quería y dejó crecer la melena. «¡Lo que cambia la vida con unos centímetros de pelo!», exclama Pili. «Las miradas eran lo que más me dolía al principio», reconoce su hija. Eso o que la profesora no la llamara por su nombre. «Siempre tuvo un alter ego en casa, Alexia. La dejábamos ser», dice Pili.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

A Rede Educativa de Apoio LGBTIQ+ estréase o vindeiro curso con 230 docentes