Na sétima edición do concurso de pinchos de primavera medio centenar de establecementos sométense ao veredicto dos veciños e visitantes que pasen ata o 1 de maio polos seus locais
22 abr 2023 . Actualizado a las 13:11 h.Si es afeccionado á boa gastronomía non podes perderte a cita co concurso de pinchos Sabores de Ourense que nesta primavera vive a súa sétima edición. O arranque é o venres 21 de abril e tes tempo ate o 1 de maio para percorrer os establecementos participantes e probar estas pequenas xoias para o paladar e alternativas para persoas celíacas. Hai medio centenar, con prezos que oscilan entre 2,50 e 3,50 euros, pero lembra que con cada catro que visites, xa tes dereito a votar. Así que se queres ir de pinchos en Ourense, toma boa nota porque isto é o que prepararon en cada un deles:
A BARBERÍA
Rocky: Tosta con tomate, anchoas do Cantábrico, bocarte macerado na casa, ovo cocido e aderezo con toque de maionesa caseira (3,50 euros).
A MIÑA BODEGA
Tosta solomillo a miña bodega. Tosta de solomillo con ovo de paspallás, guacamole e queixo (3,50 euros).
A NOSA TABERNA
O noso pelón. Boliño de masa de millo precocido e fritido, recheo de guiso de carne, porco, pasas e piñóns bañado con salsa de tomate caseira e queixo venezolano relado (3 euros).
A SAIA DA CAROLINA
Masa de pastrami. Tostiña de pan masa con pastrami caseiro de cachena, cogombriños, mostaza e rúcula (3,50 euros).
BÁGOA GASTROBAR
Entre foliada e foliada. Brioche de fariña do país, queixada de tenreira con shiitakes de Trives, Sabayón do Ribeiro e cristal de pataca (3 euros).
ANTIGUA O'RENQUE
Boqueronchuelo. Base pan con marmelo de tomate con bocarte, queixo, maionesa e ceboliño (2,50 euros).
BAR AFRODITA 2.0
Miniboli. Mini hamburguesa de tenreira galega suprema con pemento asado e redución de viño de Oporto (3 euros).
ARCO DA VELLA
Salmo-crepes. Crepes de salmón ás finas herbas con mollo especial da casa (3 euros).
BAR CARBALLO
Tentempé carballo. Medallón de solombo de porco selecta sobre pan de centeo con niño de pemento asado agridoce (2,50 euros).
BARALLETE
Barallete. Espeto de entraña con verduras bañada con mollo de champiñón sobre pementos asados (3 euros).
BODEGÓN ANTIGA LEITERÍA
Primabrava. Pataca a baixa temperatura coroada como pataca brava con alioli negro, verde, salsa brava e hortalizas (3,50 euros).
BAYSHA
Panipuri de cachena con mollo Café París. Bocadiño de masa india (panipuri) enchido de carne de cachena richada con escuma de pataca e mollo Café París (3,50 euros)
CAFETERÍA BOTÁNICA
Bao Botánica. Pan bao con carne esmiuzada e mollo (3,50 euros)
BRILLAR
Frescura. Tosta con aguacate e tomate natural, con capa de filete de pavo con queixo de Arzúa e pingas de froitos do bosque con perexil (3,20)
CAFÉ BAR ORO AZUL
Solombo de porco en salsa de pementa. Xugoso solombo de porco en salsa de pementa con pataca á panadeira (3 euros).
CAFETERÍA JP
Capricho de primavera. Tartar de salmón cunha base tropical de tomate, aguacate, manga e laranxa, sostida nunha tosta de pan da nosa terra (3 euros).
CASA CORTÉS
Paraíso. Pincho inspirado en dous dos xantares que máis destacan na cociña da illa de Madeira (3 euros)
CERES 1894
Con catro mans. Corneto de queixo, marmelo e noces con trozos de xamón crocante (2,50 euros)
CASA PARROCHA
Primaverocha na parrocha. Parrocha afumada en salsa de soia doce cunha base de pan de noces e queixo de Arzúa ao whisky acompañado de sandía e uva (3 euros).
CERVEXARÍA O MOUCHO
Hambur-Zeta. Pequena hamburguesa con guacamole, carne de porco e tenreira, queixo de Arzúa e caramelo peta zeta (3 euros).
CHARLOTTE
Golfeadou. Pan enriquecido moi suave en forma de caracol, aromatizado con sementes de anís, enchido de queixo branco relado e empapado de zume de cana de azucre (2,50 euros).
DEMAMÁLUIS
Boliño de primavera. Boliño de pan con queixo de vaca, allo porro, cogomelos e cenoria (3,5 euros).
DIECIOCHO
Guiso secreto. Secreto de porco guisado en dados acompañado dun variado de vexetais e patacas cuarteirón (3 euros).
EL CORRAL
Chegou a primavera. Guacamole con queixo e nachos (3 euros).
GRÂNDOLA
Canelón Grândola. Canelón de cabaciña enchido de polo con curry gratinado ao forno con bechamel e queixo (3 euros).
FUENTEFRÍA
Fume do mar. Tosta con vinagreta, toradas de robaliza afumada, lascas de aguacate e aceite aromatizado con trufa negra (3,50 euros).
HOTEL NOVO CÁNDIDO
Pincho Cándido. Tapiña de tenreira suprema galega con xamón do país e queixo de Arzúa (3 euros)
ITALIAN JOB
Italian Job. Mini calzone de lombo, queixo gorgonzola, mozzarella fresca e mollo rosa (3 euros)
LA BRAVA
La Brava. Croqueta vegana de lentellas con mollo mediterráneo (3,50 euros)
LA ESTACIÓN DE LOMAN
Honest. Pan de batata, doble smash burguer de boi Pastuenco pardo alpino madurado 60 días, maionesa de aguacate, lima e chiplotes, tocuiño entrefebrado curado de porco galego alimentado con castaña e queixos havarti, gruyère e cheddar (3,50 euros).
LA ZAPATERÍA DEL ABUELO
Ouren-masala. Pan brioche coa nosa inspiración hindú de curry masala con polo de corral aderezado con toque de coco e mango (3,50 euros).
LUSCOFUSCO
Hamburguesa lusquiana. Minihamburguesa vegana de fabas negras e froitos secos con alioli vegano (3,50 euros).
MISTER LOIS
Misterprimavera. Tosta de lombo asado, mollo de oliva, pementos de piquillo e follas de rúcula sobre cobertura de queixo Arzúa fundido (3 euros).
MARÍA TAPAS
A primavera do tako. Polbiño á grella sobre crema de pataca á galega (3 euros).
O CAPRICHO
Capricho primavera. Masa follada con bechamel, pemento confeitado e crocante de polo (2,50 euros).
O ACUBILLO
Suspiro de brie. Brie con cama de champiñóns e piquillo (3 euros).
OS 4 FOGÓNS
Lembranza do Augusto. Tosta de pan de Cea cun braseado de bacallau (3,50 euros).
PORTOVELLO
A terma. Ravioli de tenreira en mollo de curry vermello, papada de porco selecta, anguía asada, chícharo bágoa, allos tenros, ovo de paspallás e caldo de tenreira con atún afumado, alga nori e xermolado de chícharo (3,50 euros).
PEPINILLO
Pepinillo. Panceta, queixo Arzúa e cogombriño (2,50 euros)
O TREBÓN
Boliño mar terra. Luras con crema de cogomelos, queixo azul e toque de trufa (3,30 euros).
PULPERÍA ASADOR A FEIRA
O boi no trópico.Crocante de plátano macho recheo de carne de boi galego con toques tropicais (3,50 euros).
RESTAURANTE CANDEM
Prímula de mar. Rolo de pota enchido de chutney de cebola e granada con queixo (3 euros).
SERENDIPITY
Lolete. Parmentier trufada con polbo en dúas coccións e aire de algas (3,50 euros)
SALCHICHETA
La reina frita. Empanadilla de masa de millo precocida enchida de polo emiuzado acompañado de mollo habaneiro (2,50 euros).
TABERNA DO PERICO
Peritaco.Bolo do pincho Perico á grella con rustrido de polo, pemento, cebola aderezado ao servir con pico de galo e guacamole e un toque de maionesa lixeira (3,50 euros).
TAMARINDO
Crocky. Tosta de pan con croca, queixos galegos e salsa española (3,50 euros)
TIZAR GOURMET
La campesina. Cornete de tortilla de trigo enchido de dúas salsas, pera, olivas negras e queixo de cabra con xamón serrano (3 euros).
TU BICADA TROPIK
Tentación de morelas. Base de pataca con solombo e salsa de morelas (3 euros).
XES
Bocado da terra. Carne de porco sobre base de pan e ovo con fundido de queixo de Arzúa, panceta e pemento en confeitura (2,90 euros).
WEEKEND AFTER WORK
Doce pero salgado. Filloa enchida de rabo de tenreira acompañada de puré de mazá (3 euros).