A riqueza da mestizaxe


Xa non queda na memoria aquela imaxe exótica dun alumno/a cos rasgos faciais distintos nunha clase do colexio. Agora a porcentaxe de nenos inmigrantes é considerable. En todas as titorías temos representación de moitos lugares ; do Caribe (Cuba, República Dominicana, Haití... ), de Sudamérica (Perú, Brasil, Colombia, Uruguay?), de países centroeupeos (Romanía, Rusia?), de países africanos (Marrocos, Etiopía?) e países asiáticos. Un 17% do alumnado do colexio Lois Tobío é inmigrante; dos 312 alumnos/as matriculados no Centro, 55 son de procedencia estranxeira.

Temos que destacar as grandes dificultades para os Equipos directivos, Departamentos de Orientación e Profesorado dos centros para a organización da función educativa e aproveitamento dos recursos que nunca son os suficientes para atender as necesidades educativas do alumnado dende o momento da acollida ata continuar coa súa progresión académica.

A diversidade non é soamente un aspecto externo senón que é un concepto moito máis profundo: culturas, linguas, prioridades, valores..., incluso expectativas diferentes cara á escola e cara á vida. A Lei vixente permite certa flexibilidade á hora de integralos nun curso determinado. Trátase de incluilos no curso que lle correspondería pola súa idade, pero a meirande parte das veces resulta conveniente pedagóxica e persoalmente integralos nun curso inferior debido ao desfase curricular e ás dificultades lingüísticas, atopándonos casos de alumnos de 11/12 anos que apenas acudiron á escola. A pesar de todo, resulta enriquecedor para tod@s poder estar vivindo nesta mestizaxe de alumnos porque nos permite contrastar aspectos culturais tan distintos e observar o afán de superación dos pais/nais e nenos/as; ou simplemente recodar que o noso país tamén foi emigrante. Equipo directivo e departamento de Orientación do Colexio Lois Tobío.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos

A riqueza da mestizaxe