Lembranzas do asilo de Foz


Odía 26.12.1924 finaba en Foz don Eliseo Martínez Otero, dono de gran fortuna, da que deixaba como herdeira universal á súa muller, dona Pilar Otero Pillado; se ben expresaba o seu desexo de que a herdanza revertera no noso pobo, sobre todo, a través de dúas institucións: un colexio para nenos pobres do concello e un asilo para acoller ós anciáns desamparados.

O periódico La Voz de Mondoñedo (10.1.1925) publica un comentario do histórico mestre de Fondós, don Ramón Salgado Toimil sobre as liñas fundamentais do testamento, e propón que o escultor Asorey perpetúe a imaxe da parella e así «a la gratitud del pueblo se juntaría la artística ofrenda de las divinas manos del más genial artista de la raza; para honra de Foz y glorificación del gran filántropo». «El pueblo de Foz está obligado a rendir este homenaje a la memoria de su generoso benefactor; que la gratitud de los pueblos es la virtud que los hace dignos de tan grandes protectores. Es el concejo a quien corresponde recoger la iniciativa».

O 19.6.1934, a corporación presidida polo alcalde Cándido Eijo nomeaba Fillos Predilectos á parella «que legaron su importante patrimonio para la construcción y sostenimiento en esta villa de un asilo de ancianos y un colegio graduado para los niños, autorizando al alcalde para que de forma adecuada perpetúe en lápidas o bustos, o en el salón de sesiones, tan merecido título».

Dona Pilar, no seu testamento definitivo (12.3.1925), respecta fielmente a vontade do marido, deixándoo integramente para ditos fins; excepción feita duns pequenos legados; e designa e nomea ós albaceas testamentarios, encargados de levalo a cabo: o colexio era a obra preferida polo marido e o asilo o da súa dona. Finou esta o día 15 de marzo do ano 1925.

Documento notarial

Transcurridos catro anos dende a súa morte, a viúva e a filla dun irmán, promoven litixio contra a validez de dito testamento, alegando ó efecto que dona Pilar mantivo por un tempo perturbadas as facultades mentais,baseándose nun certificado que en tal sentido expedira o ilustre médico compostelán, don Miguel Gil Casares, científico de grande prestixio, no que aseguraba que , efecto dun proceso crónico arteroesclerótico, producíralle a incapacidade mental….

O médico de cabeceira, don Eladio Candia Río, así como o doutor don Manuel Reimunde Basanta; outro testigo, e o notario de Ferreira, don Melchor Egerique: «Veo que la compareciente se encuentra en plena lucidez intelectual», di ó inicio do documento notarial, rebaten o informe do ilustre galeno.

O proceso, que sería longo (a Guerra Civil do 36 por medio) iniciaríase o 16.4.1929 cun acto de conciliación no xulgado da vila;-”con inusitada concurrencia”-, según papeis da época, presentada a instancia polo abogado de Madrid, señor Arteaga Contreras. O mesmo rematou sen avenencia.

O pleito chegaría ó Tribunal Supremo, que dictaría sentencia o 25.3.40. Fallamos: «Que debemos declarar y declaramos, no haber lugar a los recursos de casación por infracción de ley interpuestos por doña Carmen Rovira Estadas y don Faustino Alonso Alvarez y doña Ángeles Otero Rovira, a los que condenamos…». (Vindeiro capítulo II: Construción e inauguración do asilo).

*Suso Fernández, cronista oficial de Foz.

Autor Suso Fernández Cronista oficial de Foz

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Lembranzas do asilo de Foz