Carvalho Calero terá o Día das Letras por ampla maioría na RAG

O intelectual ferrolán levou 21 votos de 23 posibles entre os académicos


La Voz

Carvalho Calero será finalmente a quen se adiquen as Letras Galegas o ano próximo. Así o anuncio o presidente da RAG, Víctor Freixanes, rodeado pola executiva da entidade na sede coruñesa da mesma. Dos 23 académicos que votaron 21 o fixeron a favor, outro en branco e un máis en contra.

Freixanes quitou importancia ao feito de que, até hoxe, Calero non obtivera ese recoñecemente xa que, dixo, a proposta de Filgueira Valverde presentouse en once ocasións antes de ser aprobada.

No caso de Carvalho, ademais, coincide que cúmprense 110 anos do seu nacemento en Ferrol e 30 do seu pasamento en Santiago. Freixanes, ademais, amosou o seu interese en que a casa natal do escritor sexa recuperada.

Na Academia restan importancia ao feito de que Calero fose reintegracionista. Para o presidente, trátase dunha «cuestión menor» nunha institución na que cada un ten a súa postura pero na que se pode falar de todo, dixo sobre un autor que acadou un amplo consenso e do que o propio Freixanes foi alumno antes de que Calero, en 1972, se convertera no primeiro catedrático de Filoloxía Galega en Santiago.

Carvalho Calero, xa tocaba

andrea presedo

O escritor ferrolán será o homenaxeado do próximo ano; os académicos ensalzan os méritos do autor e consideran que «é un bo momento» para esta celebración

A vida de Ricardo Carvalho Calero non foi sinxela. Pero el foi capaz de plasmar a complexidade da mesma ao longo das súas obras e, por fin, despois de varios intentos, será homenaxeado no Día das Letras Galegas do próximo ano. Haberá que esperar ata este sábado para contar coa confirmación da Real Academia Galega (RAG), día no que se celebrará o pleno, pero ao tratarse do único candidato para o 2020, as quinielas apuntan a Carvalho como gañador. «O primeiro en propoñelo para as Letras foi Francisco Fernández del Riego con Xosé Luis Franco Grande no 2005. Ao ano seguinte, del Riego repetiría a proposta en conxunto con Víctor F. Freixanes», explica Henrique Monteagudo, actual secretario da RAG. Todas as candidaturas que se presentan na Academia «son merecentes da homenaxe das Letras. Que non saia un autor un ano non significa que non se valore», apunta Monteagudo. Este ano cúmprense trinta anos da morte do autor polo que «é un bo momento para renderlle homenaxe», engade.

Seguir leyendo

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

Carvalho Calero terá o Día das Letras por ampla maioría na RAG