Patrocinado por

Eduardo Míguez: «Non é lóxico que ti vendas a 3 e o súper a 17, e que ti vendas a 10 e o súper a 17»

a.buíncas REDACCIÓN / LA VOZ

SOMOS MAR

Eduardo Míguez, con merluzas del pincho de Celeiro acreditadas por Friend of the Sea, en una imagen de archivo
Eduardo Míguez, con merluzas del pincho de Celeiro acreditadas por Friend of the Sea, en una imagen de archivo PEPA LOSADA

O director de Puerto de Celeiro asegura que vai dar transparencia e que o prezo da lonxa chegue ao cliente

27 jul 2021 . Actualizado a las 04:45 h.

Comunicar mellor erradicando trolas e falsas crenzas, dixitalizar o sector do mar e asegurar o relevo xeracional son as tarefas máis urxentes que ten que abordar a orixe da cadea de produtos mariños. E, dende logo, aproveitar as oportunidades que trouxo a pandemia de coronavirus.

—Parece que sopra o vento a favor do consumo de produtos do mar. Que ola hai que aproveitar?

—Que é un produto saudable e san, e que é unha proteína necesaria e beneficiosa. E hai que comunicarllo á xente, que a veces está confundida por falsidades ou medias verdades. Nós xa lle pedíramos ao Ministerio de Pesca que formase un grupo de resposta a posibles crises alimentarias ou trolas que xorden. Íase a facer no Nadal de antes da pandemia, pero quedou en veremos e non se fixo nada. Agora estámolo facendo dende AECOC, recompilando todas as cuestións espiñosas nunha especie de decálogo, unhas frases fáciles de entender aclarando as cousas. Cousas como ‘non é bo comer algunhas especies porque teñen mercurio'. Non podes comer 25 quilos, pero non pasa nada por comelos regularmente. Ou ‘hai que conxelar sempre o peixe polo tema dos parasitos'. Mentira. Se o evisceras ben, limpas e cociñas á maneira tradicional non o tes que conxelar. Parece mentira, pero en zonas de mar a xente cre que hai que conxelar a pescada. Como podemos seguir pensando semellante aberración. Tela que conxelar se a vas comer crúa. Aparte está o outro traballo, o de limpar a bordo, eviscerar, formar ás tripulacións...

—E como facerse oír entre tantos ataques? Que si o marraxo está sobreexplotado, que si o arrastre é malo...