Patrocinado por

Caxellu, el xuegu d'ésitu internacional que llega a Asturies

La Voz REDACCIÓN

AGRICULTURA

Caxellu, el nuevu xuegu de Play Presta
Caxellu, el nuevu xuegu de Play Presta

El xuegu ta disponible de baldre y adáptase perbién al usu dende'l móvil

21 ene 2022 . Actualizado a las 12:14 h.

La plataforma de conteníu online n’asturianu PlayPresta ta acabante de llanzar na so web y redes sociales el xuegu nuevu, Caxellu. La propuesta trátase d’un xuegu nel qu’hai que combinar siete lletres pa formar pallabres y ye una adaptación del popularizáu xuegu del NewYork Times, Spelling Bee.

La iniciativa, que llega agora a Asturies gracies a PlayPresta y Cuatro Gotes Producciones, ye un ésitu n’otros llugares del estáu, como Cataluña, onde’l lleva’l nome de Paraulògic y rexistró cifres que fixeron que los servidores colapsaran en dalgunos momentos. Los datos departipación siguen medrando, y ye que en dalgunos díes de les fiestes de Nadal, el xuegu llegó a cifres d’ente 120.000 y 137.000 persones, lo que dexa bien claro l’ésitu que tuvo y que sigue teniendo.

La creación del xuegu na so versión n’asturianu foi trabayu d’un equipu dirixíu por Inaciu Galán, cola xestión dixital a cargu del informáticu Óscar David Colorado Espina y col diseñu gráficu, basáu na idea del xuegu como un caxellu d’abeyes y de l’abeya Olaya como símbolu, polreputáu ilustrador Enrique Carballeira.