Entrevista | Emma Pedreira Lombardía
03 jun 2004 . Actualizado a las 07:00 h.Esta non é a primeira vez que a coruñesa Emma Pedreria Lombardía, de 25 anos, consegue un premio por algún dos seus traballos literarios, sobre todo poesía. E tampouco é a primeira vez que o Liceo de Ourense lle otorga un dos premios do certame Carlos Casares. -¿Que relato presentó ao concurso? -Titúlase Rota . É unha especie de simbolismo. Rota coma partida e rota coma vieiro. Trata sobre unha muller que sae do seu país en pateira aínda que ela pensa que viaxa nunha bañeira. -¿Escribiu o texto para o certame o xa o tiña feito? -O relato estaba escrito antes de que decidira presentarme ao concurso, pero pensei que o texto se axustaba perfectamente ao que se pedía nas bases do certame, e por iso decidí presentalo. Hay dous anos conseguí o mesmo premio, en Ourense, pero na categoría de menores de 25 anos. Deste galardón entereime hai dous días e a verdade é que foi unha alegría moi grande. -¿Dende cando escribe relatos? -Escribo dende hai oito anos, pero o que máis me gusta é a poesía coa que xa acadei outros premios. Agora estou a punto de publicar a miña primeira novela, posiblemente dentro dun mes. -¿Adícase únicamente a escribir? -Son licenciada en filoloxía hispánica e traballo coma coordinadora de talleres en centros cívicos municipais e tamén coma monitora de tempo libre con rapaces. Dende que comencei a escribir presenteime a varios concursos e acadei máis dun premio. Teño publicados algúns libros de poesías e un de relato curto.