Telerrastrexar o virus


Carmela Troncoso é viguesa, enxeñeira de Telecomunicación e profesora na Escola Politécnica Federal de Lausana. Dirixe o grupo creador do protocolo telemático de varias aplicacións para rastrexo dos infectados de coronavirus cos móbiles, coma a adoptada polo Goberno español. Hai pouco concedía a Mujer hoy unha entrevista na que explicaba como funciona o sistema, sempre salvagardando a intimidade dos portadores dos teléfonos: a idea básica é que se poida saber quen estivo preto dabondo de quen estaba infectado sen que se deduza onde se atoparon.

Iso implica unha complexidade lóxica notoria e unha grande confianza no funcionamento dos teléfonos: os seus procesadores executan as aplicacións e o seus transceptores de protocolo Bluetooth permiten o emparellamento móbil-móbil por proximidade dos usuarios, pois as microrredes dese protocolo teñen alcances pequenos. Nunca na historia da humanidade se dera a posibilidade de que alguén que confirme ter unha doenza poida pasar aviso de tela e que un sistema transmita a alarma a quen se encontrara co enfermo.

Unha marabilla tecnolóxica. E esclarecedora a conclusión da profesora experta en privacidade nas telecomunicacións: «O importante é ter boas infraestruturas». Certo: sen redes fiables, os datos non poden circular eficazmente.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
3 votos
Comentarios

Telerrastrexar o virus