Lixo millonario


Desde Suriman, a antiga Guayana Neerlandesa, e desde Guyana, países situados na costa norte de América do Sur, parten submarinos con cocaína. Fan unha travesía de 21 días e desembarcan o seu cargamento en Mauritania, Canarias ou Galicia, onde os esperan barcas que distribuirán a droga en Europa. Antes tentaran a travesía cara a México e EE.UU., pero detectábanos os aparellos chamados sono-boias utilizados para localizar submarinos soviéticos. E decidiron lanzarse ao Atlántico. O prezo dun narcosubmarino é de dous millóns de dólares. O prezo da cocaína que transportaba o que interceptaron en Galicia é duns 100 millóns. Aos traficantes non lles resulta rendible unha viaxe de volta, e afúndenos. É dicir, engaden un novo lixo ao mar, que se suma á dos plásticos e as verteduras de petróleo. Na expedición especial de limpeza do Everest iniciada este ano recolléronse oito toneladas de lixo nos campamentos da montaña. Os equipos que se afanaron na conquista do gran xigante deixárona alí. Os humanos conseguimos contaminar desde o fondo do océano ao teito do mundo. Pero non se desanimen: sigan utilizando o transporte público, aforrando enerxía, utilizando bolsas de papel e reutilizándoas, sigan reciclando… Se os cidadáns do montón tiramos a toalla, se engadimos aos lixos millonarios os nosos lixos, todo será aínda moito peor.

 

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
33 votos
Comentarios

Lixo millonario