A maior estafa


Os pais de Nadia acaban de ser sentenciados a penas de cárcere, condenados por estafa. Por mentir sobre a enfermidade da súa filla e utilizala para recadar centos de miles de euros e utilizalos no seu beneficio.

A pena inclúe a indemnización ás persoas que, de boa fe, fixeron doazóns, así como unha multa e asumir os custos do proceso xudicial.

Pero, para min, a maior estafa queda sen xulgar. E é, ao meu ver tamén, a máis grave. Nadia é a maior prexudicada. Seus pais estafárona a ela. Mentíronlle máis ca a ninguén. Utilizárona. Porque Nadia é unha nena, en concreto, a súa nena, a súa filla.

Está enferma, claro que si. Padece unha enfermidade rara, ticotriodistrofia, que lle provoca certas alteracións, pero queda lonxe de que estea en perigo de morte. A nena quizais nin se decataría disto, porque os nenos non saben como ten que ser o mundo. Para eles, a vida é tal como se lles presenta. Iso ata que empezan a medrar, observar e comparar ao seu redor. E sabe que fixeron con todo isto? Matarlle a infancia. A maior estafa. Deixárona, ademais, estigmatizada.

Ten ao pai na cadea. A nai acaba de ser condenada (salvo recurso) a prisión. Que vai ser dela? Por que ese sufrimento gratuíto? E xa non falo do sinal que lle van deixar para sempre. Porque Nadia ía a un colexio. Tiña compañeiros, fillos de veciños estafados. E por moito que non culpen á nena, vai ser difícil que non a miren e sintan carraxe cara aos pais e mágoa cara a ela. A explotación da pequena é absolutamente inadmisible.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
28 votos
Comentarios

A maior estafa