DESDE EL ADARVE
23 dic 2005 . Actualizado a las 06:00 h.O XISTRAL pasa por ser un dos lugares menos soleados da península. Segundo o Atlas de Radiación Solar de Galicia , editado pola Universidade de Vigo a partir das imaxes do satélite Meteosat 6, a zona de menor radiación media de Galicia sitúase arredor desta serra do norte de Lugo, debido a que a súa altitude elevada e localización preto do Cantábrico, actúa de barreira natural fronte ás masas de aire húmido que veñen da costa, favorecendo a aparición frecuente de néboas. Efectivamente, no Xistral hai néboas pero os ventos, as nubes, o barruzo, a humidade e ata a luz corre arredor do Goía como un sopro de vida e o mal tempo non atora como en Lugo. Naquela atalaia rodeada de martabelas nunca porán un parque solar fotovoltaico, nin as urbanizacións que ameazan á Mariña, pero ten vida propia. Achéguense algún día. Poida que non haxa sitio máis propio para un Belén.