Edelmiro López: «O problema non é o eucalipto, é o eucalipto caótico, sen coidar»

Tamara Montero
tamara montero SANTIAGO / LA VOZ

GALICIA

XOAN A. SOLER

Profesor de Economía Aplicada, aposta por atacar a base do problema dos incendios: a ordenación do territorio e a política forestal

03 nov 2017 . Actualizado a las 05:00 h.

O profesor da USC Edelmiro López foi un dos membros da comisión que analizou as causas dos grandes incendios deste primavera en Portugal.

-5.600 efectivos despregados en Galicia. ¿Son abondo?

-Non é un problema de máis medios humanos. Máis importante que se tes 5.000, 6.000 ou 50.000 é que incorpores máis o coñecemento sobre clima, sobre vexetación, e planificar moito mellor as actuacións, aparte de intervir sobre os factores estruturais.

-¿Que tipo de perfís habería que incorporar?

-Hai magníficos directores de operacións nos incendios. Dáme a sensación de que o que falta é o cruce entre meteoroloxía e territorio, que é cada vez máis importante: incorporar coñecemento fino sobre as condicións meteorolóxicas para a planificación das operacións. E sobre todo, no caso galego, asegurar que ese persoal cualificado ten realmente o control de todo o dispositivo. Seguir segmentando resta operatividade ao dispositivo.