O primeiro equipo do Breogán cae co Mercantil de Ribeira na xornada inaugural das Ligas Galegas
15 ene 2014 . Actualizado a las 06:56 h.As Ligas Galegas de Xadrez arrincaron a pasada fin de semana co C.X. Viajes Interrías Sanxenxo Fontecarmoa zanxando cun empate a 3 o seu complicado debú ante un dos conxuntos máis potentes da División de Honra, o Algalia.
O cadro vilagarcián comezou dominando o enfrontamento da man de Julio González, que saíndose do seu estilo pausado e posicional, superou con negras a Pablo G. Melgar. Julio Suárez gañoulle logo a Ángel Paredes. Logo chegaron as derrotas de Lucas Abal ante Marcial G. Carbó, e o inesperado tropezo ante o seu ex equipo do debutante do C.X. Fontecarmoa Dan Cruz ante Carlos Pena. As táboas de Julio Torrado con Tomás Corona e de Luis Segura fronte a César Abella pecharon o duelo.
Estes foron os resultados do resto dos equipos arousáns na primeira xornada da tempada. Primeira División B: CXF Casa da Xuventude 2,5-1,5 CXF Baños Print, e Breogán A 1,5-2,5 Mercantil de Ribeira. Segunda C: CXF McDonalds 2,5-1,5 CXF Autobuses Pereira. Segunda D: Xadrez Dorna 4-0 CXF Restaurante A Pedra. Terceira F: CXF Deportes Rodas 2-2 CXF Distribuciones Lete, e CXF A Goleta 3-1 Breogán B. Terceira G: CXF Vitaldent 2-2 CXF La Marina, e CXF Reeduca 0-4 Nadjorf. E Cuarta A: CXF Caf. Lembranza 4,5-3,5 Caf. D` Pie, e CXF Viajes Otero 1,5-6,5 Ajedrez Albariño.