Toponimias


Émoi interesante que de vez en cando se debata sobre algo máis que as paradas de De Gea ou se a gañadora de Supervivientes foi a que realmente o merecía, e se como tema alternativo se escolle a toponimia xa parecemos noruegos falando sobre cada que lado ten que ir a barra da Ø.

De novo sae o de Berdillo, con B, que é a súa forma oficial, ou con V, que é como piden a inmensa maioría dos veciños, apoiándose na tradición máis recente. Non teño nin de lonxe os coñecementos de Cabeza Quiles, e el avoga por Verdillo. Tampouco os da Comisión de Toponimia de Galicia, que no seu día viron que é máis correcto con B. Pero si estiven por algunhas zonas de Galicia onde este tipo de debates tamén existen, e ademais para os dous lados: se é con B, queren con V, e se é con V, con B. Ata vin pintadas nalgunha parroquia de Ourense, e non hai moito, nunha longa e lenta viaxe pola estrada que vén de Benavente. Ás veces, o que hai é unha reivindicación do propio, da unidade, da tribo: tirar pola mesma corda sabendo que a loita contra o oficial distingue. Non é tanto o galego como o castelanizado (ese debate é outro, ou máis ben non debería existir), senón un xeito de orgullo [xa postos: en galego, e oficialmente, é San Lourenzo].

Con todo, as actitudes non quitan que ás veces non haxa razóns obxectivas. Igual Verdillo si as ten. Miro na hemeroteca da Voz e xa atopo moitas referencias a Verdillo xa dende finais do século XIX. E tamén moita xente que se apelidaba Verdillo (lamentablemente, este apelido perdeuse), así que o uso era habitual. Moi preto de Corme está a punta Verdillo, así como se le. Polo tanto...

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos
Comentarios

Toponimias