Diego López: «Xa non é fácil atopar cociña tradicional nun bo restaurante»

Encaixe de palillos é o que fai Diego López (Lalín, 1988) para mesturar con enxeño a gastronomía tradicional da súa terra coa vangarda gastronómica do seu menú.

-¿Como encaixan as dúas propostas coa clientela?

-Moi ben, porque o noso cliente encaixa sen problema nos dous perfiles. Temos o tradicional cocido, o xarrete... pero tamén aplicamos as novas técnicas a clásicos como o bacallau á galega para controlar os tempos de cocción, e introducimos produtos da zona, como o óxalis, un tipo de trevo silvestre de follas ácidas.

-Pero sen perder de vista a cociña tradicional.

-Exactamente, porque, ademais, xa non é fácil atopar cociña tradicional nun bo restaurante de Galicia. E non falo de casas de comidas, que hainas moi boas, senón dos restaurantes de nivel. Neles é máis sinxelo dar cun menú degustación, pero nun local de produto é difícil, e moitas veces atopamos un peixe excelente mal cociñado.

-O punto de cocción.

-Iso é. É habitual que o pescado non estea perfecto. É algo que pasa en todos lados, non só en Galicia.

-¿Qué expectativas ten no concurso do Cociñeiro do Ano?

-Para min, estar na selección que fixo o Fórum xa é importante. A ver o que decide a xente na votación, porque mediaticamente axúdache moito se gañas. Pero isto xa é unha vitoria.

-¿E que vai levar vostede ó «showcooking» do Fórum?

-Pois un prato de ostras con caldo de tenreira, salgaduras e as follas ácidas de óxalis.

---

---

---