PRAZA DO TEUCRO | 22.00 HORAS
30 jun 2007 . Actualizado a las 07:00 h.Máis de 90 rapaces da Asociación Cultural Musical Solfa de Santiago, a Banda da Escola de Música de Rianxo e a Agrupación Músico-Cultural de Ribadumia ofrecen hoxe un concerto que ten como repertorio a banda sonora de varios coñecidos filmes. O concerto é o colofón da iniciativa Musigalizando, un campamento musical organizado coa colaboración da Dirección Xeral de Xuventude e Solidariedade no que os participantes puideron compartir o seu tempo de lecer arredor da súa afección común, a música. Os participantes teñen idades comprendidas entre os 8 e os 25 anos e a entrada é totalmente libre e gratuíta.