¡ARRE HO! | O |
17 feb 2005 . Actualizado a las 06:00 h.NON SEI se se deron de conta, pero hailles bastantes meses que estamos vivindo neste país unha especie de estado utópico ben interesante, e non falo do tempo, demasiado agradable para este rincón atlántico. Máis ou menos desde finais do 2002, cando unha conspiración planetaria fixo naufragar un malicioso barco na Costa da Morte, andamos instalados na inercia política máis absoluta. É máis, se non fose polos habituais exabruptos do Presidente Fundador e polos divertidos manexos dos seus achegados, puxando polas partixas, nin nos enterariamos de que alguén dirixe o noso destino desde o cuartel de San Caetano. Algúns pensan que isto é unha catástrofe, que un país ten que ter unha dirección forte, que estamos ante un momento crucial da nosa historia con toda a vaina do Plan Galicia e da ampliación da Unión Europea, e que, por encima, as páxinas de información política dos xornais son hoxe máis aburridas que nunca. Pero que queren que lles diga, tamén é o que aforramos.