¡ARRE HO!MARTIÑO SUÁREZ | O |
10 abr 2003 . Actualizado a las 07:00 h.INCHADE o peito, agora que xa tedes a victoria que esperabades. Inchade o peito porque gañastes, porque o que antonte todos vimos en televisión vai enterrar os miles de mortos que empedraron o camiño das tropas americanas ata a capital de Irak. Sorride, inchade outra vez o peito cos vosos razonamentos ramplóns e volvede indignarvos -¡moitísimo!- por eses problemas tan gordos que tedes, a peonalización, a normalización lingüística, o AVE, as pancartas de Nunca Máis, todas esas preocupacións que xa non terán os compañeiros Julio A. Parrado e José Couso, nin Alí, o neno sen pai, sen nai, sen brazos e sen futuro, nin os kurdos que gaseou Sadam, nin os milleiros de persoas que asasinou Pinochet -ese ancián enfermiño-, nin os centos de presos políticos de Fidel, nin os afganos incomunicados en Guantánamo, nin os paseados da Caeira no 36, nin os condenados a morte da Guinea de Obiang -hóspede de honra na Moncloa-, nin tantos outros que, sinceramente, vola soplan. O que importa é que gañastes e que nos salvastes, gracias por todo. ¡E, ademais, o Madrid en semifinais!