CALPÚRNIA | O |
18 mar 2004 . Actualizado a las 06:00 h.AGORA é o Tribunal Supremo quen dá razón ás reclamacións dos traballadores das ludotecas contra do despido improcedente realizado polo governo municipal. Nesta mesma columna temos criticado a actitude, de total desprezo contra dos fallos dos sucesivos tribunais, amosada polo responsábel de persoal, que non considerabamos propia dun estado de dereito. Actitude acorde coa praxe política da que fixeron gala certos sectores do PP (os do sombreiro principalmente, por certo) ao longo destes últimos anos e que, esperamos, xa non se repitan máis. As leis son para cumplí-las. E os governantes, aínda que sexa un simple munícipe dun capital de provincias, os primeiros. O desprezo polas resolucións da xustiza é máis propio de políticos tipo Berlusconi, capaces de promulgar leis con efecto retro-activo para eludir as responsabilidades penais derivadas dos seus peculiares negocios. O pasado domingo, entre outras cousas, os cidadáns dixemos que non queriamos eses modos. Por favor, que alguen tome nota. Non é cuestión de dereitas ou esquerdas, senón de decencia.