Moitas voltas eólicas e pouco sentidiño

Roberto García González SECRETARIO XERAL DE UNIÓNS AGRARIAS

OPINIÓN

María Pedreda

02 jul 2021 . Actualizado a las 05:00 h.

A día de hoxe en Galicia hai proxectos en marcha para duplicar en 5 anos os mais de 3.800 megavatios de potencia eólica xa instalada, o que equivale a produción de tres centrais nucleares.

É unha evidencia que a enerxía que vén do vento vai medrar na Unión Europea nos próximos anos. Así o confirman os plans de descarbonización da UE, dentro do marco da loita contra o cambio climático, que fixan os fitos de xerar con fontes renovables o 30 % da enerxía para o ano 2030, e xa o 100 % no ano 2050. Ademais, España precisa con urxencia reducir o peso das importacións de enerxías fósiles para embridar a factura da luz, e iso só se consegue potenciando as renovables.

No medio rural galego estase producindo unha forte contestación a novos parques eólicos porque moitas das novas propostas desprázanse da cima dos montes cara a terras agrarias, ou cara a zonas próximas a explotacións, vivendas e núcleos de poboación.