Nas mans da China


A pandemia veu demostrar que a infraestrutura de telecomunicacións é vital. Coincidindo con esta dura demostración, Trump mostrouse rexamente oposto á presenza da Huawei nos EE.UU., e mesmo conseguiu apoios e aplausos para evitala: as microondas que atravesan os espazos abertos, os electróns que seguen os cabos eléctricos e os fotóns que percorren as fibras ópticas son intanxibles; mais todo o equipamento que os xera e dirixe é material, deseñado, programado e fabricado.

Hai corenta anos a produción de equipamento telemático espallábase polos países avanzados e ninguén podería albiscar que alguén lles fose gañar o pulso ás grandes empresas americanas, europeas e xaponesas. Porén vinte anos despois ía moi adiantada unha danza dos malditos entre fabricantes de América e Europa, da que se salvaron poucos nomes (a ocultaren outros por absorción). No entanto prosperaban as compañías chinesas coa Huawei de guieira: axudounas o mercado interno, a moeda desvalorizada, a espionaxe industrial, o desdén dos dereitos laborais... Sen dúbida, mais o reino central apostara polo que non souberon defender as potencias tecnolóxicas tradicionais: a industria estratéxica da sociedade da información. E, como Occidente non reaccione, o mundo ha ficar incomunicado só con que as engrenaxes da China renxan.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Tags
Comentarios

Nas mans da China