A mellor ciencia do 2019


A revista Science vén de escoller o que considera o fito científico máis importante do 2019: a consecución da primeira imaxe dun burato negro. Á parte dese, selecciona outros 9 de extraordinaria relevancia: 1. A comprensión do que pasou xusto despois do impacto do asteroide que, caído en México hai 66 millóns de anos, extinguiu aos dinosauros. 2. A reconstrución do aspecto que tiña unha especie de homínido (chamado denisovano), que se extinguiu hai 50.000 anos. 3. A síntese de dous medicamentos que conseguen que case o 70 % dos enfermos de ébola sobrevivan. 4. A creación dun computador cuántico que, por primeira vez, supera nunha tarefa a un computador clásico. 5. Atopouse a que parece ser a orixe das células eucariotas (as que compoñen aos animais e plantas); un descubrimento que, de confirmarse, levaría a unha revolución no xeito de clasificar taxonomicamente os seres vivos. 6. A sonda New Horizons chegou ao que é o obxecto celeste máis lonxano xamais explorado polo ser humano, a 6600 millóns de quilómetros da Terra. 7. Viu a luz verde un medicamento (baseado en investigación xenética) para tratar a fibrose quística. 8. Creouse un suplemento dietético de baixo custo e fácil obtención que estimula o crecemento da microbiota intestinal, clave para o tratamento de problemas en zonas de malnutrición masiva no terceiro mundo. 9. A intelixencia artificial deu un novo paso simbólico, cun programa que foi capaz de derrotar a varios dos mellores xogadores de póker de todo o mundo.

 Ser consciente dos avances da ciencia ano a ano axuda a ser máis optimista ante o futuro.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
20 votos
Comentarios

A mellor ciencia do 2019