As guerras do litio


Bolivia é un país hispanoamericano de peculiar estrutura xeográfica e étnica, seica debuxado no mapa sen moito sentido. Alí houbo graves sucesos políticos dos que La Voz fixo cumprido seguimento e tras dos cales é doado deducir grandes intereses estranxeiros polas materias primas: o gas natural, á baixa, e o litio, á alza. De feito, repítese que en Bolivia hai unha «guerra do litio, o petróleo do século XXI», pois o país andino ten o maior depósito dese mineral no mundo.

Antes de estalaren eses conflitos bolivianos, La Voz ocupábase doutro, de moito menor escala e moi próximo a nós: o da grande mina de Montalegre, nesoutra Galicia que en Lisboa chaman «o Norte». Unha reportaxe falaba do maior depósito de litio de Europa e axeitadamente trataba dos usos a dar ao metal nos artefactos con acumulación de enerxía eléctrica máis visibles: coches, electrodomésticos e dispositivos de radio celular.

Ora, segundo se espalla a Internet das cousas, prevese que a demanda de litio aumente de maneira explosiva para as pilas de miles de millóns de sensores e actuadores instalados en outras tantas máquinas industriais, vehículos, aparellaxe doméstica... conectados á rede de redes vía radio e sen posible alimentación desde a rede eléctrica. Se cadra, esa é a razón profunda das guerras do litio.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
5 votos
Comentarios

As guerras do litio