Pechaduras electrónicas


Galicia vai á cabeza das rexións europeas canto ao envellecemento da poboación, e á proporción de persoas a morar soas nas casas sen intención de se recolleren a residencias. Iso fai pensar en como están hoxe os teleservizos de apoio a ese segmento poboacional: nas vivendas instálanse sensores para trazar os movementos do habitante delas, deducir pautas e observar se hai algunha fóra do normal, alarmante, que obrigue a intervir. Ao tempo, e para emerxencias detectadas polo usuario do sistema, este dispón dun botón que dispara a comunicación co centro de axuda, en modo conversa desde calquera recanto da vivenda.

Ora, imaxine que o usuario «vixiado» precisa de que o veñan socorrer cando el non está en condicións de abrir as portas do seu portal e da súa vivenda. Actualmente, alguén que resida próximo a el debe ter chaves desas portas e ofrecerse a entregárllelas aos socorristas.

E se ese alguén está ilocalizable? Daquela, nese momento, cómpre chamar a cerralleiros -ou mesmo bombeiros- co risco de desatención -ou ata de morte- de quen precisa socorro.

Velaí o problema de base. E a solución? Instalar mecanismos de apertura con mando electrónico nas vivendas con servizo de axuda, e, nos correspondentes portais, pechaduras electrónicas a conectar no seu día á Internet das cousas por medio da rede da 5G.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
4 votos
Comentarios

Pechaduras electrónicas