Axudas humanitarias


Nas chamadas axudas humanitarias acostuman agocharse intervencións e inxerencias de potencias estranxeiras e dominantes que non teñen nada de humanitarias. Na memoria de todos están as recentes intervencións das que se dixo tiñan ese carácter, por exemplo o bombardeo de Serbia en 1999 ou o de Libia no 2011.

Isto é o que nos lembra Chomsky para alertarnos sobre as supostas axudas humanitarias de Trump, maiormente tendo en conta que o Partido Republicano é, para aquel, a organización máis perigosa en toda a historia da humanidade: Hitler non pretendía destruír o futuro da existencia humana, e si un partido que nega o cambio climático ou que ameaza cunha guerra nuclear. Con Trump hai máis posibilidades de que un e outra deriven en peores situacións.

O intelectual alértanos sobre algo moi importante: que se ben é certo que a economía dos EE.UU. estivo en devalo, sería un erro pensar que teña perdido dominio. Só en termos militares, manexa o 25 % da economía mundial e ten unha tecnoloxía moito máis avanzada que o resto do mundo.

Sen esquecer que as súas multinacionais son donas da metade do mundo, están integradas no Estado e dominan todos os sectores: industria, venda, comercio, finanzas. Unha alerta a súa para que non se durman os inxenuos que pensen que non poden repetir en Venezuela, cando queiran, situacións semellantes ás de Serbia ou Libia.

As reiteradas ameazas de Trump e dos seus altos cargos serán inmorais, ilegais e politicamente inaceptables, que o son, pero teñen posibilidades de realización. Todos os esforzos que se fagan para evitar eses humanitarismos sospeitosos, dende a ONU ou dende os demais estados veciños, serán poucos. ¿Poderán parar aos Trump, Bolton, Rubio, Abrams? Arrepía pensar que non.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
28 votos
Comentarios

Axudas humanitarias