Entre Duque e Carracedo


Acomezos de xuño producíronse dous nomeamentos de transcendencia para a comunidade científica española: o de Pedro Duque como ministro dese eido e o de Ángel Carracedo como presidente da Academia Internacional de Medicina Legal. Se cadra, o novo ministro xa felicitou o científico que nunca quixo marchar do seu país e, teimosamente, construíu un mundo de investigación en Compostela.

O Goberno do Pedro Sánchez ten unha boa fachada. Ora, cómpre saber se, tras dela, hai o que necesita España: mudanzas e avances. Se fixamos a ollada no Duque, de inmediato xorde unha distinción entre tipos de «persoas de Ciencia»: científicos, divulgadores e xestores. Onde colocar o novo ministro mediático? Porque, alén de aventuras espaciais -dignas e inspiradoras-, o que se espera nos ambientes da Ciencia e a Tecnoloxía é que faga andar a coñecida suma de I+i +i, ou sexa: investigación, innovación máis internacionalización.

E para redondear, a suma mesmo debería ser I+i+i+R, incluído o retorno. Como ben sabe o profesor Carracedo, é necesario andar mundo e investigar onde lle cadre ao científico; mais os científicos de verdade tamén teñen patria e a ela desexan volver. Un Ministerio de Ciencia que funcionase perfectamente debería ter unha Dirección Xeral de Recuperación de Talento.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
8 votos
Comentarios

Entre Duque e Carracedo