A liberdade de expresión


O actor cómico Dieudonné, coñecido polo seu antisemitismo combativo, escribiu na súa páxina de Facebook: «Eu síntome Charlie Coulibaly», en alusión ao terrorista que asasinou unha muller policía e catro xudeus nun supermercado. Os seus espectáculos foron prohibidos en Francia por orde de Manuel Valls. Esta decisión foi criticada entre outros pola Liga polos Dereitos Humanos, a esquerda radical e o director do dixital Mediapart, Edwy Plenel, que acusaron a Valls de atentar contra as liberdades fundamentais.

Finalmente Dieudonné vai ser xulgado por apoloxía do terrorismo. O seu avogado mantén que a súa frase non é máis que unha broma, semellante ás caricaturas e chistes do xornal Charlie Hebdo, e unha manifestación máis da liberdade de expresión.

A universidade Al Azhar, considerada a máis importante institución teolóxica do islam sunnita, condenou o atentado a Charlie Hebdo, pero considera as publicacións do semanario, «unha provocación inxustificable» contra as crenzas de miles de musulmáns, algo malo para a «coexistencia de civilizacións que os musulmáns buscan» e que «dan aos extremistas de ambos lados a posibilidade de intercambiar violencia».

Nada pode xustificar a violencia, pero creo que, se non se marca un límite claro para que a miña liberdade de expresión non choque contra o dereito á dignidade do outro, imos ter serios problemas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
48 votos

A liberdade de expresión