Novos cursos medioambientais de balde

A Deputación presentou a nova oferta de actividades que serán no Centro de Interpretación Terras do Miño e nos Ancares


Medio milleiro de persoas poderán participar de balde nas novas actividades medioambientais da Deputación de Lugo. O deputado de Medio Ambiente, Argelio Fernández, presentou a programación, que se desenvolverá no Centro de Interpretación Terras do Miño, no Pazo de San Marcos e na Reserva da Biosfera Os Ancares Lucenses e Montes de Cervantes, Navia e Becerreá entre outubro e decembro, para todos os públicos. No que vai de ano, máis de 1.300 lucenses participaron nesta programación lúdica e formativa totalmente gratuíta.

Actividades Terras do Miño

As persoas interesadas en participar deberán reservar a súa praza a través do correo electrónico und.medioambiente@deputacion.org e poden tamén chamar aos teléfonos 982 227 812 ou 982 305 930 para obter máis información.

Obradoiros para adultos:

· 16, 17, 18, 19 e 20 de outubro: Curso de iniciación á Micoloxía, entre as 19.30 e as 21.00 horas, no salón de actos da Deputación. O 20 de outubro o horario será de 10.00 a 13.30 horas. 80 prazas

· 23, 24, 25, 26 e 27 de outubro: Curso Micoloxía Nivel II, entre as 19.30 e as 21.00 horas, no salón de actos da Deputación. O 27 de outubro o horario será de 10.00 a 13.30 horas. 80 prazas.

Para familias:

· 10 de novembro: Fauna e flora invasora da Reserva da Biosfera Terras do Miño, dende as 10.00 ás 14.00 horas, no Centro de Interpretación Terras do Miño. 20 prazas

· 20 de novembro: Obradoiro de contos e historias para o sostemento ambiental, de 16.00 a 17.30 horas, no salón de actos da Deputación. 70 prazas.

· 3 de decembro: Teatro e inclusión, a mellor mestura para a preservación do medio ambiente, ás 19.00 horas, no salón de actos da Deputación. 70 prazas.

· 15 de decembro: Os segredos da noite: Fototrampeo de mamíferos, entre as 10.00 e as 14.00 horas, no Centro de Interpretación Terras do Miño. 20 prazas.

Para adultos:

· 16 e 17 de novembro: Arte e Biodiversidade. Obradoiro para o profesorado e educadores, de 16.00 a 20.00 horas o 16; e de 10.00 a 14.00 e 16.00 a 20.00 horas o día 17; no Centro de Interpretación Terras do Miño. 25 prazas.

· 24 de novembro: Introdución á silvicultura nas masas frondosas autóctonas, de 10.00 a 14.00 horas e de 16.00 a 19.00 horas, no Centro de Interpretación Terras do Miño.

Actividades Reserva da Biosfera Os Ancares

Para participar é preciso reservar praza a través do correo electrónico ancareslucenses@deputacionlugo.org e para ter máis información, poderán chamar ao teléfono 982 227 813.

Para todos os públicos:

· Sábado 13, de 10.00 a 14.00, haberá unha saída micolóxica por Becerreá. Son 20 prazas.

Para adultos:

· 25 de outubro: Conceptos básicos da Castañicultura, Silvicultura e Enxerto, de 17.00 a 21.00 horas. Edificio servizos múltiples do Concello de Cervantes. Son 30 prazas.

Para nenos:

· 16 de novembro: Recolección e cociña de setas, de 10.00 a 13.30 horas, no CEIP de Cervantes. 20 prazas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

Novos cursos medioambientais de balde