«¡Qué ilusión repartir premios!»

A loteira Isabel Iglesias di descoñecer quen é o agraciado co premio de 1,4 millóns da primitiva


lugo / la voz

Isabel Iglesias leva todo o día descolgando o teléfono e recibindo felicitacións. O motivo é que na administración que rexenta dende hai sete anos -cando tomou o relevo do seu marido- repartiu no sorteo da Lotería Primitiva do xoves 1.431.964 euros, o premio máis elevado que ela recorda ter dado. O agraciado foi o único acertante da máxima categoría do sorteo ao lograr seis acertos cun boleto de sete apostas múltiples. A conta é rápida. Investiu 14 euros e levouse 1,4 millóns.

«¡Qué ilusión repartir premios. Claro que es emocionante!», explica a loteira, que descoñece quen foi o agraciado do premio, aínda que recoñece que lle gustaría que fose alguén de Lugo. En todo caso, lembra Isabel que é posible que o novo millonario nin tan sequera o saiba, posto que a primitiva era para dous días, polo cal aínda é válida tamén para mañá e igual non a comprobaron aínda.

A administración que rexenta Isabel non é válida para supersticiosos. Chámase La Trece e está situada na esquina de Ángel López e Bispo Aguirre, un espazo privilexiado polo que a diario pasan ducias de clientes tentando na sorte. Onte, ademais de pedirlle á loteira que lles selara con xeito os boletos, tamén a felicitaban por ter repartido un premio de tal calibre. «Los clientes se enteraron todos, llevan todo el día dándonos la enhorabuena», conta Isabel.

Nas paredes e na cristaleira da administración loce o cartel co número 7, 13, 43, 34, 45 e 36, complementado co 6 e co 4 como reintegro. Esa foi a combinación gañadora, pero ese non é o único agraciado de La Trece nos últimos anos. Tamén repartiu algún de 600.000 euros, un par de segundos da Lotería Nacional e algunha cantidade un pouco máis humilde, pero que seguramente fixo ilusión a quen o recibiu no seu momento. «A mí ya me alegra el día entregar esos más pequeñitos, los de mil y pico», confesa Isabel facendo gala de vitalidade mentres atende aos clientes.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
0 votos
Comentarios

«¡Qué ilusión repartir premios!»