DESDE EL ADARVE
06 may 2003 . Actualizado a las 07:00 h.VIVIMOS UNS meses onde se están a decidir cuestións decisivas para o futuro e o desenvolvemento de Lugo e a súa provincia. Decisións e situacións tan dispares como a de ampliar a Unión Europea a 25 países, a eliminación do réxime agrario, a inexistencia dun centro tecnolóxico do leite ou da carne por parte da Consellería de Innovación na capital lucense, a execución do Plan Galicia na provincia, o goteo de peches das explotacións agrarias, ou a chegada de inmigrantes, terán consecuencias que marcarán o futuro de Lugo. Non ter previsto estes, e outras circunstancias, é seguir facendo un país de improvisación e perder o tren europeo, onde nos poden adiantar ata por riba países que nun principio están por debaixo das nosas rendas. Se seguimos rifando, pendentes das subvencións e falando de proxectos inviables, dificilmente sairemos dos postos baixos onde levamos moitos anos instalados.