09 feb 2013 . Actualizado a las 07:00 h.
A praza de abastos de Monforte acolle esta fin de semana un mercado temático dedicado aos produtos típicos do entroido. Nos postos de venda poderán adquirirse carnes de porco caseiro e porco celta, grelos, repolos, patacas, ou garavanzos fabas de Lourenzá, así como grelos deshidratados, conservas de legumes e utensilios de cociña. O mercado estará aberto hoxe de 10 a 14 horas pola mañá e de 17 a 20 pola tarde. Mañá o horario será de 10 a 14 horas.
Coincidindo con este mercado, trece establecementos de hostalería que participan nas xornadas gastronómicas Estase Cocendo ofrecerán durante esta fin de semana menús a base de cocido sen necesidade de facer reservas previas. Durante o resto da campaña, que dura todo o mes, si hai que reservar.