Crónica Uns 85.000 nenos de un a seis anos aprenderán a expresarse en galego co material lúdico e educativo da campaña «Eu son», que se leva a cabo nas garderías e na etapa de infantil
12 feb 2007 . Actualizado a las 06:00 h.?oa axuda da coñecida familia galega de Os Bolechas, 85.000 nenos e nenas de un a cinco anos aprenderán a desenvolverse mellor na súa lingua. Este é o obxectivo da campaña Eu son , na que colaboran Educación, Política Lingüística e Igualdade, e que se presentou no colexio As Fontiñas, de Santiago. , protagonizada polos personaxes dos contos infantís de Os Bolechas, consta de material lúdico como quebracabezas, libros de adhesivos, mochilas, camisetas e cadernos, todo editado en galego. O obxectivo é que dende o máis cedo posible, os nenos coñezan e empreguen a súa lingua na escola, e despois o fagan en todos os ámbitos da súa vida. A iniciativa conta cun presuposto de 643.000 euros, dos que 472.000 son achegados por Política Lingüística, 100.000 pola Consellería de Educación e 71.000 pola Secretaría Xeral de Igualdade. Todo o material didáctico distribuíuse nas escolas infantís públicas -que abarca aos nenos de cero a tres anos- e nos centros de educación infantil, no que están os de tres a seis anos. Marisol López, secretaria xeral de Política Lingüística, lembrou que hai que fomentar o uso da lingua dende a etapa de preescolar, priorizando a expresión e a afectividade, polo que instou aos educadores a que traballen sobre todo a oralidade e o aspecto lúdico e comunicativo desta iniciativa. Vicepresidencia colabora a través da Secretaría de Igualdade, xa que esta campaña pretende que nenos e nenas xoguen, se divirtan e empreguen o galego «sempre en pé de igualdade», asegurou Carme Adán.