1. O seu mellor momento para a lectura. Sempre antes de durmir.
2. Criterios que segue para a escolla dun libro. Aconséllome cos amigos, e remexo entre as últimas novidades en librerías e bibliotecas.
3. Que lle achega a lectura? Coa lectura síntome viva. Podo coñecer e identificarme con personaxes que me van levar a lugares coñecidos ou non.
4. Os seus libros favoritos. Aire negro, de Agustín Fernández Paz; A casa dos espíritos, de Isabel Allende, e As bruxas, de Roald Dalh.
5. Un xénero literario. A novela.
6. Un personaxe e un espazo literario. Ayla, a protagonista de O clan do oso cavernario, de Jean M. Auel. Unha nena cromañón recollida por un grupo de neandertais.
7. Que está a ler agora? A praia dos afogados, de Domingo Villar, e Esclava, de Mende Nazer e Damien Lewis.
8. Un autor en galego e outro noutra lingua. Agustín Fernández Paz e Gianni Rodari.
9. Que actividades, amais da lectura, ocupan o seu lecer? Pasar o rato cos amigos, pasear, escoitar música, ir ao cine...
10. Unha paisaxe no Barbanza digna de libro. Sen dubidalo a praia do Vilar.