Desde o 2 de abril de 1998, Kalandraka publicou máis de 400 títulos -sobre 40 novidades ao ano- cun novo concepto dos libros infantís.

-¿Que lles moveu hai 14 anos a facer esta aposta polo libro infantil?

-Os que fundamos Kalandraka províamos do mundo do libro e nos dous primeiros anos o noso proxecto era exclusivamente para Galicia, a intención era crear un proxecto que fose viable aquí e en galego. Queríamos que os nenos do noso país puidesen ler na nosa lingua libros en tapa dura e a toda cor, porque había unha oferta moi pequena. Logo, decidimos apostar por cruzar as fronteiras xeográficas de Galicia, editar en castelán e houbo un momento importante, que foi o Premio Nacional de Ilustración a Óscar Vilán, por O coelliño branco. Ese foi o espaldarazo.

-¿Onde se sorprendeu máis de ver un libro de Kalandraka?

-Pois o mais lonxano, quizais unha librería en Tokio.

-¿Onde queren chegar?

-O noso obxectivo é manternos. Seguir facendo un catálogo coherente. Hai unha parte importante do noso traballo, que é que estamos axudando a crear a memoria do mañá. A nosa frase forza é ?libros para soñar?, e creamos a librería con ese nome hai 10 anos en Vigo. Forma parte do noso obxectivo, como as campañas de animación á lectura.

-¿En Galicia este sector está resistindo mellor a crise?

-Non, Galicia está atravesando unha grande crise, con librerías pechadas, e as axudas non pasan polo seu mellor momento... As familias teñen menos poder adquisitivo. Pode ser que este sector aguante mellor, pero se resinte. Temos a sorte de que estamos noutros mercados.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
7 votos

«A nosa frase forza é 'libros para soñar'»