O Club Bádminton A Estrada recibe esta tarde no Coto Ferreiro (18.30 horas) o C.B. Huesca, na cuarta xornada da Liga de Permanencia na División de Honra estatal. Un compromiso que pasou de asequible a complicado para o conxunto de Rodrigo Sanjurjo, ao non poder contar nin co peruano Rodrigo Pacheco nin con Carmen Chan. O primeiro, coa selección do seu país na Thomas Cup, en Grecia, e a segunda, ausente por cuestións familiares. Ante este panorama, o adestrador do C.B. A Estrada recoñecía onte que «veo complicado ganarle al Huesca. Ellos cuentan en sus filas con Escartín, campeón de España de dobles masculino el año pasado y el mejor jugador del momento a nivel nacional». Derrotar o seu rival pasa, en opinión de Rodrigo Pacheco, por impoñerse nos tres partidos de dobres (masculino, feminino e mixto). Por outro lado, a pasada fin de semana Roi Guerra acabou nos cuartos de final sub 17 do Gran Premio Nacional de As Neves, e Uxío Rodríguez nas semifinais do dobres mixto en sub 15.