?os resultados en xeral os colleitados polos representantes da zona nas ligas da Agrupación de Fútbol Veterano de Santiago a pasada fin de semana. Na División de Honra o Lalín sumou o seu segundo punto da tempada cun empate a 2 na casa fronte ao Deportes Caneda Amio. O marcador permítelle deixar o faroliño vermello e colocarse penúltimo, só por riba do Negreira (1 punto). No Grupo A da Primeira División o Lalín/Inasus perdeu 4-1 a mans do Muebles Guadalupe. Nembargante, mantén o liderato coa mesma vatanxe dun punto (15 por 14) sobre o Agrícola Santa Lucía Marrozos. No Grupo B da Primeira División, o Berres superou 2-1 ao Consellería da Presidencia e salta do noveno ao sexto posto, con 12 puntos. Hierros Diego e Hamburguesería Verde, pola súa parte, empataron na Segunda División co Boiro Recambios (0-0) e co Melivet Santiso (1-1), respectivamente, mentres o Ríver Silleda perdía 1-0 co Peña Universo. O Ríver é noveno (7 puntos), o Hamburguesería Verde décimo (6) e o Hierros Diego undécimo (6). E na Terceira, o Lamela gañoulle a partida ao Excavaciones Naviceiro (4-2) e o Panadería Jesús Rodeiro ao Cercio (4-3). O Grúas Lalín-Deza venceu 3-4 ao Comercial Santas e salta á terceira praza (13 puntos). O Naviceiro é quinto (10), o Rodeiro sexto (10), o Lamela noveno (6) e o Cercio décimo (3).