Druídas


A miña primeira referencia sobre os druídas veu a través dos contos de Astérix. Panorámix exercía como tal, ataviado cunha longa túnica branca e sempre cunha fouce coa que apañaba o sacro visgo para elaborar a súa poción máxica.

A pouco que un estea interesado na cultura céltica, sabe que os druídas son unha parte fundamental para poder entendela. A etimoloxía da palabra druída é confusa e existen varias teorías ao respecto sendo a de «os homes dos carballos» quizais a máis estendida. Esta era a árbore máis sagrada para eles ao tempo que as antigas carballeiras ou lubres eran os espazos onde facían os seus rituais e celebracións.

Pouco se sabe deles mais que o que deixaron escrito gregos e romanos nos textos clásicos e sempre dende a perspectiva de colonizadores. Iso si, deixando claro que eran unha elite social de sacerdotes e filósofos digna de admiración e que infundían un tremendo respecto nos seus adversarios ou inimigos.

A sabedoría dos druídas abarcaba un gran número de disciplinas como a medicina, a botánica, a astronomía, a filosofía ou a teoloxía, e eran os encargados de empregalas e transmitilas, sempre de xeito oral, xa que o segredo das súas ensinanzas era incompatible con deixar textos escritos.

As referencias máis importantes sobre os druídas chegan dende as Illas Británicas e dende a Galia, lugares nos que, segundo contan os textos referidos a eles, nin os reis podían decidir sen o seu consentimento. Sempre tiñan que ser escoitadas as súas opinións antes de tomar calquera tipo de decisión importante.

En Galicia apenas hai referencias sobre druídas pero algunha temos, como a que quedou escrita no Leabhar Gabhála Éireann sobre Amergin Glúngel, da tribo dos milésians que comandou dende Brigantia unha expedición para vingar en Irlanda o asasinato de Ith, o fillo de Breoghán. Tamén variadas alusións literarias ao popular Merlín do ciclo artúrico e diversos estudos sobre o controvertido bispo Prisciliano, quizais un dos últimos druídas de tradición. E na toponimia, entre outras, temos a antiga Nemetobriga, actual Trives, que significa «cidade sagrada», quizais dos druídas.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
6 votos
Comentarios

Druídas