A función será o 8 de maio: semella lonxe, mais as entradas xa están á venda, ¡e voian!
03 ene 2026 . Actualizado a las 05:00 h.Logo da enorme resposta do público na xira levada a cabo, o espectáculo Amoriños, creado e interpretado por Xosé Antonio Touriñán e David Perdomo, anuncia un novo percorrido de primavera. Entre os meses de marzo a xuño pasarán coa función por once localidades, e unha delas está na Costa da Morte: Cee. Será o 8 de maio, e semella que aínda queda moito tempo, mais a venda de entradas xa está aberta na web www.amorinos.info.
MÁIS EN DETALLE
A xira de primavera levará o espectáculo por Vilagarcía (14 de marzo), Santiago (15 de marzo), Ponteareas (10 de abril), Lugo (18 de abril), Vilalba (1 de maio), Cee (8 de maio), Vigo (9 de maio), Narón (16 de maio), Ourense (22 de maio), Pontevedra (30 de maio) e A Coruña (6 de xuño).