Música, teatro e máis Pint of Science: na axenda de hoxe na Costa da Morte
CARBALLO
No instituto Fernando Blanco de Cee están inmersos na segunda Semana das Artes Escénicas
21 may 2025 . Actualizado a las 05:00 h.Avanzamos na semana coa seguinte axenda cultural:
Carballo · Prosigue a axenda musical do CMUS para este mes de maio, hoxe con concertos didácticos da Banda ás 11.00 e ás 12.30, en colaboración coa Orquestra Orff do IES Isidro Parga Pondal, e con audición de saxofón ás 17.30. En ambos casos, as citas serán no auditorio do Pazo da Cultura.
Cee · Continúa a segunda Semana das Artes Escénicas do IES Fernando Blanco. Hoxe, coa representación de Os vellos non deben de namorarse a cargo de Tuéjele Teatro (9.20).
Carballo · Terceira e última xornada do Pint of Science no bar Ranqui, con Manuel Gundín e María Vidal (19.30).
Cabana · O auditorio municipal acollerá ás 12.00 a representación de A biblioteca galáctica contra a IA fantástica, de Títeres Tanxarina.
Carballo · Continúa o programa Medrando con Apego, hoxe cunha actividade ao fío do Día das Letras Galegas. Será nas escolas do Xardín Agra de Caldas, ás 17.00, e consistirá nun achegamento á música e baile tradicional.