Tanto os concellos como os centros educativos da comarca deseñaron amplos programas de actividades con motivo da celebración do Día do Libro. Así, e a pesar de que onte foi o día forte, os veciños levan dende principios da semana tomando parte en actividades culturais. Na capital, os centros educativos participaron de forma moi intensa na Semana do Libro, que promoveu o Concello en colaboración coa Xunta.
Así, Carballo é a terceira vila de Galicia que acolle esta actividade, despois de Oleiros e Viveiro. Nela, alumnos e profesores participaron en numerosas iniciativas: obradoiros de expresión teatral, contacontos, exposicións e, incluso, concertos.
Centros escolares
Pero non foi o único lugar onde se deu homenaxe á lectura. Na maior parte dos colexios e institutos da comarca, os estudantes celebraron a xornada. Nalgúns centros de secundaria houbo maratóns de lectura e os alumnos mergulláronse en obras de gran tradición como é o caso do Quijote.
En Cerceda houbo un concurso literario onde participaron todos os centros educativos do municipio.
Foi unha xornada emotiva onde non faltaron as representacións artísticas.