Non escavar


Asistimos recentemente a episodios de vandalismo contra o patrimonio milenario, tanto de índole institucional como de zapatilla. As redes escandalizaron aos amantes da arqueoloxía coa carreira pedestre sobre os muros do Trega, e tamén polos castros que coa escusa de «poñelos en valor» convértenos en parques temáticos. Pasou na provincia de Pontevedra, e baixo o auspicio das institucións oficiais, abarcan un total de catorce xacementos dos máis importantes da provincia. Na Costa da Morte temos o exemplo de Dombate, cuxa musealización desvirtúa o contexto no que se atopou, que loce integramente no caso de Axeitos, que se pode gozar na súa contorna natural.

Á parte do vandalismo institucional, cada semana asistimos a actos cometidos por axentes de zapatilla, e refírome ás mans pintadas dos petróglifos rianxeiros ou ás pintadas atopadas en outros xacementos, ou mesmo retoques con xiz -que os arqueólogos non recomendan-.

A súa visibilización masiva, ben a través dos axentes turísticos, ben os propios concellos que promoven o seu coñecemento, ben particulares que os publican nas redes, é un cóctel explosivo coas carencias de educación do pobo contemporáneo. A nosa relación coa historia materialízase en banais autorretratos ou en tropelías infantís de mal gusto, descoñecendo o dano que podemos provocarlles.

Cos novos sistemas de xeoradar e outras técnicas para coñecer o que está baixo terra, podemos gozar da historia sen escavar os xacementos e namentres non haxa xeracións máis conscientes, será mellor deixalos cubertos e estudalos coas novas tecnoloxías.

Conoce toda nuestra oferta de newsletters

Hemos creado para ti una selección de contenidos para que los recibas cómodamente en tu correo electrónico. Descubre nuestro nuevo servicio.

Votación
2 votos
Comentarios

Non escavar