Suscríbete 1 año y te regalamos 140 días gratis
Quiero la oferta

A tempo

Manuel Gago
Manuel Gago VERMELLO CONTRA O MAR

BARBANZA

01 oct 2020 . Actualizado a las 05:00 h.

Durante o confinamento revelouse a enorme flexibilidade do sector cultural para ofrecer contidos interesantes á xente directamente nas súas casas. Con recursos técnicos mínimos, a través das ferramentas dixitais, a cultura mobilizouse para conectar co público.

Axudaron de balde ás persoas a entreterse, a aliviar a tensión, pero tamén a aprender. E xa saben, aprender significa prepararse para afrontar mellor o futuro incerto, reducir o estrés, incrementar a confianza. A forza inmensa da cultura. Son aptitudes fundamentais para esta crise.

Toda esa inxente oferta cultural demostrou tamén, a partir de datos contrastables de audiencia, que había moita xente disposta a consumila a través dos seus dispositivos: dos móbiles, das tablets, dos ordenadores, das teles. É dicir, o círculo estaba pechado. Tiñamos un sector que sabía comunicar e uns cidadáns que sabían onde consumir (e facíano).