O candidato nacionalista ve posible o cambio no concello de Lousame
15 may 2015 . Actualizado a las 05:00 h.Amador Turnes (Lousame, 1966) veu no sentir do pobo a obrigación para dar o paso cara a primeira liña política. Fala cunha paixón desmedida mentres asegura que vai pelexar para que as cousas cambien o próximo 24 de maio.
-¿Por que se presenta?
-Hai unha deriva deshonesta na forma de levar o Concello, creo que hai que devolver aos veciños o poder e control do Concello, ademais de rematar co «amiguismo» e co caciquismo actual.
-¿Como valora os últimos catro anos?
-Lousame converteuse nun barco que vai á deriva, nun Concello de cuarta división que está controlado por xente que está de paso antes de marcharse para ocupar postos políticos en Santiago e Madrid
-¿Que define o voso programa?
-Temos cinco puntos principais pero sobre todo queremos fomentar a agricultura. O noso obxectivo é que a xente de a pé e os propietarios de granxas se axuden entre eles. Daremos facilidades para que se creen cooperativas agrícolas e que así se poida aproveitar o potencial desta vila.
-¿Cal sería a súa primeira medida?
-Auditar as contas e mellorar os servizos sociais. Non pode ser que haxa anciáns que non poden comer tódolos días.
Nunha palabra
Un libro: Juan Salvador Gaviota
Unha película: 2001, una odisea en el espazo
Un espazo: Á beira de calquera río
Un político: Lula da Silva
Unha cidade: Edimburgo
Unha comida: Carne á pedra
Un deporte: Fútbol
Un personaxe histórico: Rosalía
Unha canción: The logical song
Un desexo: Un país sen corrupción