16 mar 2008 . Actualizado a las 02:00 h.
As persoas que se acheguen a Barbanza, ademais de gozar coa riqueza que posúe a comarca, poderán coñecer de preto o seu pasado. Isto é posible mediante visitas ao Centro Arqueolóxico do Barbanza, situado ao lado dos castros de Neixón; e ao Centro de Interpretación de San Roque.
Ademais, realizar a ruta das mámoas, que percorre a zona da serra do Barbanza pertencente ao municipio de Boiro, permite ver máis de trinta túmulos funerarios no que é un dos conxuntos megalíticos máis importantes de Galicia.
A nivel etnográfico, o Museo do Mar e a Aula Activa do Mar, en Rianxo; e o Cielga, en Ribeira, amosan a estreita relación que a comarca de Barbanza garda co mar e coa pesca.