Segundo o Sergas, na Atención Primaria o apoio foi dun 6,86% na área sanitaria de Lugo, A Mariña e Monforte
17 feb 2026 . Actualizado a las 15:15 h.A folga de médicos non tivo seguimento no Hospital Público da Mariña este martes, segundo informan desde Sanidade. En Atención Primaria, na área sanitaria de Lugo, A Mariña e Monforte, o apoio á folga dos médicos foi dun 6,86%, segundo indican estas mismas fontes.
«No caso dos hospitais comarcais o seguimento da folga de médicos acadou o 5,36 % no Hospital Público de Cee; o 14,1% no Hospital Público de Monforte de Lemos; o 9,84 % no Hospital Público do Barco de Valdeorras; o 11,48 % no Hospital Público de Verín; e o 12,99 % no Hospital do Salnés. Non contou con seguimento no Hospital Público de Barbanza, nin no Hospital Público da Mariña», sinalan. No caso dos hospitais das grandes cidades o seguimento foi maior, entre un 20 e un 30%.
En canto ao seguimento en Atención Primaria na quenda de mañá por áreas sanitarias foi o seguinte: «área sanitaria da Coruña e Cee, 1,64 %; área sanitaria de Santiago de Compostela e Barbanza, 5,73 %; área sanitaria de Ferrol, 3,13 %; área sanitaria de Lugo, A Mariña e Monforte de Lemos, 6,86 %; área sanitaria de Ourense, Verín e O Barco de Valdeorras, 6,12 %; área sanitaria de Pontevedra e O Salnés, 8,21 %; e área sanitaria de Vigo, do 8,13 %», comunican desde o Sergas. Tamén explican que «o Servizo Galego de Saúde conta na xornada de hoxe coa cobertura do 100 % dos servizos mínimos, garantindo a actividade asistencial urxente e de emerxencias».