Alumnos dos conservatorios de Viveiro e A Coruña ofrecerán este sábado, 17 de maio, un concerto de violonchelo
A MARIÑA
Dará comezo ás 13.30 horas no salón de actos do conservatorio viveirense
16 may 2025 . Actualizado a las 20:30 h.Alumnado dos conservatorios profesionais de música de Viveiro e A Coruña ofrecerán este sábado, 17 de maio, un concerto de violonchelo. A cita cultural dará comezo ás 13.30 horas no salón de actos do conservatorio viveirense.
O conxunto de violonchelos do Conservatorio Profesional de Música de Viveiro interpretará o seguinte repertorio: Minuet, de Thomas Arne (1710-1778); Rosas do sur, vals de Johann Strauss II (1825-1899), Donald Blue, tradicional escocesa, e A grúa, de Vasili Kalínnikov (1866-1901). A continuación, o Ensemble Cellikatessen, con violonchelos do Conservatorio Profesional de Música da Coruña, tocará: Canzona a oito voces, de Giovanni Gabrielli (1557-1612), Serenata e Romanza, de Georg Goltermann (1824-1898) e Dous preludios, de George Gershwin (1898-1937).
Finalmente, un conxunto integrado por violonchelos dos dous conservatorios tocará La musica notturna di Madrid, de Luigi Boccherini (1743-1805).
Intervirán Esteban Barlow, Mar Rodríguez, Laura Rosa, Guillermo Mato, Mario Barro, Ángel Gómez, Carlota García, Inés Gómez, Sofía Iglesias, Juancho Almarza, Andrea Montero, Paula Deus, Alba Santos e Fernando Santiago.