Suárez afirma que Ribadeo non se encontra, nin moito menos, paralizado
08 sep 2007 . Actualizado a las 02:00 h.Tras unha época estival que xa case chegou ao seu fin, o alcalde do concello de Ribadeo atópase satisfeito do traballo que o seu goberno desenrolou ata agora.
O pasado mércores, o portavoz do Partido Popular de Ribadeo, José Carlos Rodríguez Andina, dirixía unhas duras críticas ao equipo de goberno ribadense e aseguraba que o Concello se atopa paralizado en canto aodesenvolvemento de proxectos importantes.
-¿Como se atopa actualmente o Concello?
-Estamos levando a cabo o noso traballo, pero creo que do traballo que leva a cabo un cada día non é necesario dar conta seguido aos medios de comunicación, porque require un traballo previo. Non queremos vender fume.
-Queopina das críticas de Andina?
-Respectando a opinión de cada un, discrepo totalmente nese asunto. Nin o ex alcalde nin o equipo de goberno están parados en absoluto.
-¿Cal é entón a causa desa suposta parálise ?
-Algúns asuntos importantes da alcaldía dependen doutras institucións, e en verán por moito que chamemos algúns conselleiros ou directores xerais están de vacacións. Proxectos como o do polígono industrial están parados por iso, pero non tódolos demáis.
-¿Qué obxectivos ten para os meses próximos?
-Os orzamentos do concello están a punto de estar listos, faltan datos dos que pronto dispoñeremos. Traballaremos nos proxectos, e esperamos contar co apoio de tódolos grupos.