A TRIBUNA | O |
29 jun 2005 . Actualizado a las 07:00 h.A LEI de Bases de Réxime Local obriga a quen viva legalmente en España a inscribirse no padrón do municipio donde resida habitualmente. Anotarse nese rexistro proba o domicilio habitual. Os certificados de empadronamento son documentos públicos que dan fe do lugar veraz de residencia. Aos Concellos compételles manter actualizados os padróns, de tal xeito que os datos se axusten á realidade, adoptando as medidas precisas para que así sexa. Son as disposicións legais, de obrigado cumprimento para autoridades e, tamén, para veciños. Por razóns moi dispares, esa normativa vulnérase a cotío. Esas trampas consentidas xeneran perxuizos dos que, coma sempre, as únicas vítimas son as que respetan a Lei, ou sexa, a inmensa maioría de nós. Basta ir a calquera concello e solicitar o empadronamento no domicilio que lle pete do municipio. Para máis seguridade, asegúrese de que ninguen o negará se, por casualidade, algún día o consultan. Desde ese momento, terá nas súas mans un certificado oficial que lle permitirá seguir trampeando a Lei. ¿Para que? Por exemplo, para acceder a prestacións públicas ás que non teña dereito. E as autoridades fan coma o avestruz, agochan a cabeza.