Hai máis dun ano que Serxio Vázquez emprendeu unha nova aventura empresarial. Acompañado de dous socios máis, a que foi a estación de tren de Uxes converteuse nun agradable lugar onde acudir a comer.
-¿Como xurdiu a idea de montar un restaurante na vella estación de tren?
-Xa o pensáramos antes. E un día apareceu a oportunidade. Enterámonos de que se alugaba e decidimos montar o restaurante.
-¿Cando o abriron?
-Abrimos en marzo do 2008.
-E dende entonces todo foi de marabilla. ¿Cal é o segredo?
-Dar ben de comer e a atención supoño. O boca a boca funciona bastante. Ademais, aquí para xente de moitos sitios.
-¿E pódese saber de onde?
-Pois ven moita xente de Pocomaco e de Betanzos. Tamén de Sada, Carballo e Coristanco, e incluso de Asturias.
-¿E que recomenda para alguén que chegue por primeira vez ao Vagonetas?
-Pois de primeiro, eu pediríalle un entrante de polbo á parrilla. E despois tomaría bacallau asado con gambóns e aceite de algas. Ou tamén podería pedir un arroz cremoso de zamburiñas e ameixas con queixo de Arzúa.
-Soa moi ben, faise a boca auga...
-¿Verdade que si? -di rindo.
-Entonces o truco está na mezcla de sabores...
-Si, combinamos a cociña tradicional galega con un toque modernista.
-Un estilo que parece ter futuro...
-Polo menos, nós pensamos seguir aquí moitos anos.